دستور،وميت(100)دستور!!
ولاعادل المايل
فوق الكتاف شايل
الضلمةخنقتنى
نستنى طعم النور
دستورياسيادنا
دستور.وميت دستور!!
***
ياعمناالساحر
ياابوكلام معسول
انسا تعاويذك
دا احنا تلاميذك
وطلاسمك ،احرقها
سيبك من الحركات
دا احنا ياابو البركات
فاهمين ملاعيبك
سيبك،ياشيخ سيبك
وبلاش تلف.تدور
دستور يا سيادنا
دستور،وميت دستور
***
مش عايز اكون:وطواط
ولاعايز اكون :رطاط
اناكلمةجوه الجوف
واللى مانعنى:الخوف
والخوف،دا من نفسى
من ضيقى..من يأسى
من كسر ف جناحى
صاحى.انا.ميت
ميت..ان.صاحى
مش عايز اكون طرطور
دستورياسيادنا
دستور..وميت دستور
***
اناقلبى دا،مش قلب..
ممكن يكون:دمعه..
ممكن يكون:شمعه..
شمعه،وطافيها الريح!!
،داالظلم مش ذنبى!؟
والضلمه..مش قلبى!؟
لكنها:قدركم..
ف سماح،ياكل البشر
لاالشمس ف شمالى
ولا ف يمينى،القمر
مين اللى طفا النور؟؟
دستور ياسيادى
دستور..و100دستور
================
سيدفاروق احمد
1/7/2005
ديروط
ليست هناك تعليقات:
إرسال تعليق